SHABIKI VALENCIA AFARIKI AKISHANGILIA GOLI LA KUSAWAZISHA

Valencia,Hispania.

VALENCIA imepata pigo baada ya shabiki wake kuzirai na kisha kufariki muda mfupi baadae baada ya kukumbwa na shambulio la moyo wakati akishangilia goli la kusawazisha la Santiago Mina katika mchezo wa La Liga uliopigwa siku ya jumamosi katika dimba la Mestalla.

Shabiki huyo anayekadiliwa kuwa na umri wa miaka 43 ambaye jina lake bado halijafahamika alizirai dakika ya 83 baada ya kuzidiwa na furaha kufuatia Santiago Mina kuifungia Valencia goli la kusawazisha dhidi ya FC Barcelona katika mchezo ulioisha kwa sare ya goli 1-1.

Taarifa za kuaminika kutoka katika tovuti rasmi ya klabu ya Valencia zinasema shabiki huyo alifariki saa tano kamili kwa saa za Hispania baada ya madaktari kushindwa kuokoa maisha yake.

Monday, December 07, 2015