SANCHEZ ATWAA TUZO YA FSF AWABWAGA VARDY,DE GEA

London,England.

Staa wa Arsenal Mchile Alexis Sánchez ameibuka kidedea baada ya chama cha mashabiki wa soka nchini England [FSF] kumtangaza kuwa mshindi wa tuzo ya mchezaji bora wa mwaka 2015.

Sanchez,26 ambaye alijiunga na Arsenal msimu uliopita akitokea FC Barcelona kwa dau la £35m na kufanikiwa kufunga magoli 20 huku akitwaa taji la FA katika msimu wake wa kwanza amechaguliwa baada ya kuonyesha kiwango bora katika mwaka mzima wa 2015.

Nyota wengine ambao walikuwa wakiiwania tuzo hiyo ambayo hutolewa kila mwaka na leo usiku ndiyo kilele chake ni Jamie Vardy (Leceister City),Sergio Agüero (Manchester City), David De Gea (Manchester United), Harry Kane (Tottenham) na John Stones (Everton)

Monday, December 07, 2015