Manchester, England.
Kocha wa Manchester United Mdachi Louis van Gaal ameonya kuwa ataachana na klabu hiyo mapema ikiwa tu atakosa kuungwa mkono na wachezaji wake na wala siyo vinginevyo.
Van Gaal ameyasema hayo baada ya mashabiki wa klabu hiyo kuendelea kuonyesha dalili za kumchoka na kumtaka aondoke kwa madai kuwa ameshindwa kuifanya Manchester United iwe tishio kama ilivyokuwa wakati wa utawala wa kocha Alex Ferguson.
Amesema "Hofu yangu ni kukosa kuungwa mkono na wachezaji na siyo kelele za mashabiki.Unapokosa kuungwa mkono na watu unaofanya nao kazi [Wachezaji] hapo ndipo tatizo huja.
Lakini unapokuja kugundua kuwa hata wachezaji nao hawakutaki,unapaswa kuchukua kila kilicho chako na kuondoka.Hicho ndicho nitakachokifanya siku nikigundua wachezaji wangu hawanitaki tena.Nimeshafanya hilo katika vilabu nilivyowahi kufundisha".
0 comments:
Post a Comment