SCHWEINSTEIGER NJE MECHI TATU

Manchester,England.

KIUNGO wa Manchester United Mjerumani Basten Schweinsteiger huenda akafungiwa mechi tatu na FA baada ya kukutwa na hatia ya kumchapa kiwiko cha shingo mlinzi wa Westham United Winston Reid.

Schweinsteiger alifanya tukio hilo jumamosi iliyopita wakati akiichezea Manchester United iliyokuwa ikivaana na Westham United katika mchezo wa ligi kuu nchini England katika dimba la Old Trafford na mchezo kuisha kwa sare ya bila kufungana.

FA imetumia picha za luninga na ripoti ya kamisaa wa mchezo ule kumuhukumu Schweinsteiger baada ya mwamuzi Mark Clattenberg kushindwa kuliona tukio lile ambalo adhabu yake ilikuwa ni kadi nyekundu ya moja kwa moja.

Schweinsteiger ana mpaka siku ya alhamis Disemba 10 kujitetea kabla ya FA haijaidhinisha hukumu hiyo ambayo itamfanya akose michezo dhidi ya Chelsea,Bournemouth na Stoke City.

Tuesday, December 08, 2015