FERGUSON:LECEISTER CITY WANAWEZA KUTWAA UBINGWA WA LIGI KUU MSIMU HUU

Manchester, England.

LECEISTER CITY wanaweza kutwaa ubingwa wa ligi kuu England msimu huu ikiwa watakifanyia maboresho kikosi chao kwa kusajili wachezaji wapya hapo mwezi januari,amesema kocha wa zamani wa Manchester United Mscotland Sir Alex Ferguson.

Ferguson amesema Leceister City ambao kwa sasa wako kileleni mwa ligi kuu wakiwa na alama 32 watakuwa katika nafasi nzuri ya kutwaa ubingwa ikiwa watalitumia vyema dirisha lijalo la usajili la mwezi januari kwa kutanua kikosi chao.

"Leceister City wamefanya kazi nzuri sana mpaka kufika hapa.Wana kikosi kizuri sana kinachocheza kwa kujituma na ushirikiano mkubwa.Wanafunga magoli.Sijui kocha Claudio Ranieri amewaambia nini wamiliki wa klabu mpaka sasa,lakini kama ingekuwa ni mimi ningetaka uwekezaji.

Ningehakikisha nafanya usajili ili kukabiliana na majeruhi pamoja na uchovu.Kikosi cha Leceister City kinaweza kukwama kutokana na kuwa na wachezaji wachache lakini ikiwa kitaongezewa nguvu kinaweza kutwaa ubingwa."

Tuesday, December 08, 2015