London,England.
Klabu ya Arsenal imeanza mipango ya chinichini ya kutaka kuidhoofisha klabu Leceister City baada ya gazeti la Daily Mirror kuripoti kuwa kocha Arsene Wenger anataka kumchukua Steve Walsh ambaye ni msaka vipaji mkuu na kocha msaidizi wa klabu ya Leicester City.
Habari za ndani zinasema Wenger anataka kuliongezea nguvu benchi lake la ufundi hasa baada ya aliyekuwa akishika nafasi hiyo Steve Rowley kupewa majukumu ya juu zaidi.
Wenger anamuona Walsh kuwa ni mtu sahihi wa kuvaa viatu vya Rowley kwani akiwa Leceister City amehusika katika usajili wa nyota kama Jamie Vardy, Riyad Mahrez na Danny Drinkwater.
Kabla ya kutua Leceister City Walsh aliwahi kufanya kazi pia katika vilabu vya Newcastle,Hull City na Chelsea na kusaidia upatikanaji wa wachezaji kama Gianfranco Zola na Tore Andre Flo Didier Drogba na Michael Essien.
0 comments:
Post a Comment