MICHAEL OLUNGA ANG'ARA TUZO ZA KPL

Nairobi,Kenya.

Mshambuliaji wa Gor Mahia Michael Olunga [Injinia] jana usiku aliibuka kinara baada ya kutangazwa kuwa mchezaji bora wa mwaka wa ligi ya Kenya maarufu kama KPL.

Olunga ambaye siku chache zilizopita aliiwezesha Gor Mahia kutwaa ubingwa wa KPL amekuwa mchezaji wa nane kutwaa tuzo hiyo iliyoanza kutolewa mwaka 2008.

Mbali ya tuzo hiyo pia Olunga ameweka kibindoni kitita cha shilingi milioni 1.3 kama zawadi ya kuwa mchezaji bora na shilingi 300,000 baada ya kushika nafasi ya pili katika orodha ya wafungaji bora.

Nyota wengine waliong'aa usiku wa jana kwa kutwaa tuzo mbalimbali ni Boniface Oluoch wa Gor Mahia aliyetwaa tuzo ya kipa bora, Karim Nizigiyimana mlinzi bora,Eric Johana wa Mathare United akitwaa tuzo ya kiungo bora huku tuzo ya kocha bora ikienda kwa Frank Nuttall.

Nyota waliowahi kutwaa tuzo ya mchezaji bora wa mwaka KPL miaka ya nyuma 

2008 – Francis Ouma

2009 – John Baraza

2010 – George Odhiambo

2011 – Kevin Kimani

2012 – Danny Sserunkuma

2013 – Jacob Keli

2014 – Ekaliani Ndolo

Thursday, December 10, 2015