Gwiji wa zamani wa klabu ya Liverpool Muingereza Steven Gerrard amemtaja Aaron Ramsey wa Arsenal kuwa ndiye kiungo wake bora zaidi wa ushambuliaji katika ligi kuu ya England.
Gerrard ambaye kwa sasa anakipiga Marekani katika klabu ya Los Angels Galaxy ameyasema hayo jana wakati akifanya uchambuzi wa mchezo wa ligi ya mabingwa kati ya Olymoiakos na Arsenal katika kituo cha BT Sports na kuongeza kuwa Arsene Wenger anapaswa kutumia Ramsey,24 katika eneo la katikati ya uwanja badala ya pembeni anakomtumia kwa sasa.
"Nimecheza katika nafasi zote katikati na pembeni,kiakili,Ramsey hawezi kufurahia kuchezeshwa pembeni kwani hana kasi ya kumudu eneo hilo.Ubora wake uko katikati ya uwanja,kwangu anapokuwa katika kiwango chache ni kiungo wangu bora zaidi England.Wenger anapaswa kuchezesha wachezaji wake katika nafasi wanazozipenda badala ya kuwatumia popote anapojisikia kwani inawawia ugumu kuonyesha viwango vyao halisi.
0 comments:
Post a Comment