Wolfsburg, Ujerumani.
Manchester United imetupwa nje ya michuano ya ligi ya mabingwa Ulaya baada ya jana usiku kukubali kichapo cha magoli 3-2 toka kwa Wolfsburg katika mchezo mkali wa kundi B uliopigwa huko Volkswagen Arena.
Manchester United ambayo ilikuwa inahitaji ushindi wowote ama iombe PSV Eindhoven ipoteze dhidi ya CSKA Moscow ndipo ifuzu imejikuta ikitupwa nje kupitia magoli ya dakika za 13,29 na 86 ya Wabrazil Naldo na Vierinha.Magoli ya Manchester United yamefungwa na Antony Martial dakika ya 10 na Joshua Guilauvoi dakika ya 82.(Goli la kujifunga)
Kufuatia ushindi huo Wolfsburg imefanikiwa kutinga hatua ya 16 bora kwa mara ya kwanza katika historia ikiungana na PSV Eindhoven ambayo katika mchezo uliopigwa huko Eindhoven Arena iliilaza CSKA Moscow kwa magoli 2-1.Wolfsburg imevuna alama 12 na PSV Eindhoven alama 11.
Katika mchezo mwingine Real Madrid imeibuka na ushindi mnono baada ya kuitandika Malmo FF magoli 8-0 huku wake Mreno Cristiano Ronaldo akifunga mabao manne katika mchezo huo na kuweka rekodi ya kuwa mchezaji wa kwanza kufunga magoli 11 katika hatua ya makundi.
Matokeo mengine
Sevilla 1-0 Juventus
Manchester City 4-2 Gladbach
PSG 2-0 Shaktar Donestik
Galatasaray 1-2 Atletico Madrid
0 comments:
Post a Comment