KLABU BINGWA YA DUNIA:TP MAZEMBE DIMBANI LEO KUWAVAA WENYEJI HIROSHIMA KATIKA ROBO FAINALI

Osaka,Japan.

Mabingwa wa Afrika TP Mazembe leo watashuka dimbani kuvaana na mabingwa wa Asia Sanfrecce Hiroshima ya Japan katika mchezo wa robo fainali wa michuano ya klabu bingwa ya dunia utakaochezwa majira ya saa 13:30 huko Osaka,Japan.

Mchezo wa leo ni wa kwanza kwa TP Mazembe katika michuano ya mwaka huu na iwapo itafanikiwa kuishinda Sanfrecce Hiroshima itatinga nusu fainali na kuvaana na mabingwa wa Amerika Kusini klabu ya River Plate ya Argentina.

Mchezo mwingine wa robo fainali unaotarajiwa kuchezwa leo majira ya saa 10:00 jioni ni kati ya Club America ya Mexico na Guangzhou Evergrande ya China na mshindi atavaana na mabingwa wa Ulaya FC Barcelona katika mchezo wa nusu fainali.

Sunday, December 13, 2015