Kiungo wa Mo Bejaia afariki dunia kwa ajali ya gari

Bejaia,Algeria.

KIUNGO mshambuliaji wa klabu ya Mouloudia Bejaia (Mo Bejaia) ya Algeria,Youcef Touati (Pichani) amefariki duniani kwa ajali ya gari.

Habari ambazo Soka Extra imezipata zinasema Touati,27,alikumbwa na umauti huo Jumapili Machi 5,huko nchini Ufaransa baada ya gari aliyokuwa akisafiria kupinduka kwenye barabara ya AL karibu na mji wa Senlis.Kifo chake kimeripotiwa jana Jumanne.

Touati alikuwa sehemu ya kikosi cha Mo Bejaia kilichokuja nchini katika ya mwaka jana kucheza na Yanga kwenye mchezo wa marudiano wa hatua ya makundi ya michuano ya kombe la shirikisho Afrika.

Kabla ya kutua Mo Bejaia ,Touati,aliwahi kuchezea kwa mafanikio vilabu vya Red Star,Istres,Tours,Épinal,Chambly na Dijon.Vyote vya Ufaransa.

Ajali hiyo pia imemuhusisha mwimbaji na jaji wa show ya The Voice, Jennifer,ambaye alipata majeraha madogo na afya yake imeripotiwa kuwa inaendelea vizuri.

Jennifer anadaiwa kuwa alikuwa akirejea Paris akitokea Brussels,Ubelgiji alikokwenda kwa shughuli zake za kimuziki.Mwanamke mmoja ambaye jina lake halikupatikana pia ameripotiwa kufariki dunia.

BOFYA HAPA KWA HABARI ZAIDIhttps://www.google.co.uk/url?sa=t&rct=j&q=&esrc=s&source=web&cd=1&cad=rja&uact=8&ved=0ahUKEwi6vfGruMbSAhUKIMAKHRfMCOMQFggjMAA&url=http%3A%2F%2Fwww.bbc.co.uk%2Fsport%2Ffootball%2F39200591&usg=AFQjCNG7AY_5QK3c4q8UwnplNRFJktxcHA

Wednesday, March 08, 2017