Madrid, Hispania.
KIUNGO Mjerumani,Toni Kroos,ameripotiwa kuwa atakuwa tayari kuihama Real Madrid na kutua Manchester United ikiwa miamba hiyo ya Santiago Bernabeu haitatwaa taji lolote la maana msimu huu.
Kwa mujibu wa gazeti la Hispania la Diario Gol,habari zinasema Kroos ameanza kuwa na wasiwasi juu ya mwenendo wa Real Madrid katika siku za hivi karibuni hasa baada ya mwezi uliopita kutupwa nje ya michuano ya kombe la Copa Del Rey huku ikipokonywa usukani wa ligi ya La Liga na wapinzani wao wakubwa Barcelona.
Kocha wa Manchester United,Jose Mourinho,mara kadhaa amekiri kuwa ni shabiki mkubwa wa Kroos na yuko tayari kuiombea mabaya Real Madrid ili kuhakikisha kiungo huyo mshindi wa kombe la dunia anatua Old Trafford.
Hii ni mara ya pili kwa Kroos kuhusishwa na mpango wa kutakiwa na Manchester United.Awali ilikuwa miaka mitatu iliyopita pale alipotakiwa na na kocha wa wakati huo,David Moyes lakini mpango huo ukakwama.
0 comments:
Post a Comment