Wazee wa Vipepsi kuongezewa adhabu zaidi England

London, England.

CHAMA cha soka nchini England,FA kinafikiria kuwaongezea adhabu zaidi wachezaji wenye tabia za kihuni za kuwachapa wachezaji wenzao viwiko/vipesi wawapo viwanjani.

FA imefikia hatua hiyo baada ya hivi karibuni matukio hayo kuendelea kushika kasi badala ya kupungua licha ya adhabu yake kuwa ni kifungo cha kukosa michezo mitatu.

FA inaona adhabu hiyo imekuwa siyo tishio tena kwa wachezaji hivyo inafikiria kuiongezea makali zaidi ili kukomesha matukio hayo ambayo yamekuwa yakiupaka matope mchezo wa soka.

Hivi karibuni mshambuliaji wa Rochdale,Calvin Andrew alilimwa adhabu kali ya mfano baada ya kufungiwa michezo 12 kwa kosa la kumchapa kiwiko kizito mchezaji wa Oldham,Peter Clarke.

Sunday, March 26, 2017