Ligi kuu bara kuendelea tena wikendi hii,Yanga uso kwa macho na Azam,Simba wako Kaitaba,ratiba kamili iko hapa

Paul Manjale,Dar Es Salaam.

BAADA ya mapumziko ya wiki mbili kupisha michuano ya kimataifa,ligi kuu ya Vodacom Tanzania Bara maarufu kama VPL inatarajiwa kuendelea tena wikendi hii kwa michezo saba kuchezwa katika viwanja mbalimbali hapa nchini.

Kesho Jumamosi Aprili 01,2017,michezo miwili itachezwa ambapo katika mchezo wa kwanza, mabingwa watetezi wa ligi hiyo,Yanga SC watakuwa wenyeji wa Azam FC kwenye Uwanja wa Taifa,Dar Es Salaam.

Katika mchezo wa pili Wagonga nyundo wa jiji la Mbeya,Mbeya City watakuwa wenyeji wa Ruvu Shooting ya Mlandizi,Pwani.Mchezo huo utachezwa kwenye uwanja wa Kumbukumbu ya Sokoine jijini Mbeya.

Kesho kutwa Jumapili Aprili 02,2017,jumla ya michezo mitano itachezwa.Kagera Sugar itakuwa nyumbani Kaitaba kuwaalika vinara wa ligi hiyo,Simba SC. Majimaji FC watakuwa nyumbani Majimaji,Songea kuwaalika Toto Africans kutoka Mwanza.

Ratiba Kamili

Jumamosi Aprili 01,2017

Yanga SC v Azam FC 

Mbeya City v Ruvu Shooting

Jumapili Aprili 02,2017

Kagera Sugar v Simba SC

African Lyon v Stand United

Tanzania Prisons v Mtibwa Sugar 

Majimaji FC v Toto Africans

Mwadui FC v JKT Ruvu

Friday, March 31, 2017