Hizi hapa habari kubwa za usajili kwa siku ya leo ya Jumatano Mei 8,2017

London,England.

Zaha:Mwenyekiti wa Crystal Palace,Steve Parish, amekanusha uvumi ulioenea kuwa klabu yake iko kwenye mazungumzo na Tottenham kwa ajili ya kumuuza winga wake mahiri Wilfried Zaha,24.(Croydon Advertiser)

 Hazard:Real Madrid itawauza nyota wake wawili James Rodriguez, 25 na Isco Alcorcon,24 ili kupata pesa za kumsajili staa wa Chelsea,Eden Hazard (Cope, via Talksport)

Guardiola:Kocha wa Manchester City,Pep Guardiola amesema anatamani kuwa na wachezaji wengi wa Kiingereza kwenye kikosi chake lakini tatizo bei zao zimekuwa ghali mno.Baadhi ya wachezaji wanaoripotiwa kutakiwa na Guardiola ni pamoja na Jack Wilshere Dele Alli,Danny Rose, 26 na kipa wa Sunderland,Jordan Pickford.(Telegraph)

Shakespeare:Leicester City imeripotiwa kuwa ndani ya saa 24 zijazo itafungua mazungumzo na Craig Shakespeare kumshawishi akubali kuwa kocha wake mkuu mpya wa muda mpaka mwisho wa msimu.(Leceister Mercury)

Danilo:Liverpool imeripotiwa kuwa ilituma maskauti wake kwenda Ureno wikendi iliyopita kumtazama kiungo wa Porto,Danilo Pereira, anayedaiwa kuwa na thamani ya €60m.Manchester United pia imeripotiwa kumwania kiungo huyo mwenye umri wa miaka 25.Danilo alijiunga na Porto mwaka 2015 kwa ada ya €4.5m akitokea Maritimo na alikuwa sehemu ya kikosi cha Ureno kilichotwaa ubingwa wa Ulaya mwaka 2016.(A Bola)

Soares:Barcelona imeripotiwa kuwa na mpango wa kutaka kutuma ofa ya £25m kwenda Southampton kwa ajili ya kumsajili beki wake wa kulia,Mreno Cedric Soares, 25.(Sun)

Luiz: Beki wa kati wa Chelsea,David Luiz, 29,amesema kama kuna kitu anachotamani kwa sasa basi ni siku moja kurejea kwenye klabu yake ya zamani ya Benfica akiwa kama mchezaji ama kocha. (Sapo, via Sport TV)

Matic:Chelsea imeripotiwa kuwa mbioni kufungua mazungumzo ya mkataba mpya na kiungo wake Mserbia,Nemanja Matic, 28,  (Mirror)

Ranieri:Imebainika kwamba Claudio Ranieri alikataa ofa ya kuwa kocha mkuu mpya wa VFL Wolfsburg siku chache baada ya kutimuliwa kuinoa Leicester City.(Leicester Mercury)

Lukaku:Romelu Lukaku amekubali mkataba mpya wa kubakia Everton mpaka mwaka 2022.Mkataba huo mpya utamfanya Lukaku,23,kupokea mshahara wa £110,000 kwa wiki na hivyo kuwa mchezaji anayelipwa mshahara mkubwa zaidi katika historia ya Everton. (Mirror)

Wednesday, March 08, 2017