Antonio Conte,Dele Alli wachomoka na tuzo za mwaka London.

London,England.

KIUNGO wa Tottenham Hotspurs,Dele Alli na kocha wa Chelsea,Antonio Conte jana usiku kwa pamoja walitwaa tuzo za mchezaji na kocha bora wa mwaka wa jiji la London.

Dele Alli ametwaa tuzo ya mchezaji bora wa mwaka kijana baada ya kuibuka kidedea mbele ya Alex Iwobi wa Arsenal,Ademola Lookman wa Charlton kwa sasa yuko Everton, Hector Bellerin wa Arsenal na Ryan Sessegnon wa Fulham.

Antonio Conte ametwaa tuzo ya kocha bora wa mwaka mbele ya Arsene Wenger wa Arsenal na Mauricio Pochetinno wa Tottenham Hotspurs.

Hugo Lloris wa Tottenham

Hotspur ametwaa tuzo ya kipa bora wa mwaka.Tuzo hiyo hutolewa kwa udhamini wa kampuni ya Ideal Bathrooms.

Eniola Aluko ametangazwa mshindi wa tuzo ya mchezaji bora wa mwaka kwa upande wa wanawake.Ikumbukwe tuzo ya mchezaji bora wa mwaka wa jiji la London hutolewa maalumu kwa wachezaji na makocha wa jiji hilo.

Friday, March 03, 2017