Accra,Ghana.
Kocha wa timu ya taifa ya Ghana Muisrael Avram wiki hii anatarajiwa kufungua mazungumzo na mlinzi kinda wa Manchester United Timothy Fosu Mensah kwa ajili ya kumshawishi akubali kuichezea Black Stars.
Black Stars imeamua kumfuatilia Timothy Fosu-Mensah,18 baada ya kuvutiwa na kiwango chake tangu alipoanza kukitumikia kikosi cha kwanza cha Manchester United.
Mensah alizaliwa Amsterdam,Uholanzi na tayari ameshazichezea timu za taifa za vijana za Uholanzi za U-15,U-16,U-17 na U-19.
Lakini kwa mujibu wa sheria za FIFA ni kuwa nyota huyo anaruhusiwa kuitumikia Ghana nchi ya asili ya baba yake kwa kuwa bado hajachezea kikosi cha wakubwa cha Uholanzi.
Mensah alianzia safari yake ya soka katika klabu ya Ajax kabla ya mwaka 2014 kunyakuliwa na Manchester United.
Mpaka sasa Mensah ameishaichezea Manchester United jumla ya michezo mitano.Huku mchezo wake wa kwanza ukiwa ni ule wa ushindi wa 3-2 dhidi ya Arsenal mwezi Februari
0 comments:
Post a Comment