Dar es salaam,Tanzania.
Azam imeshindwa kupata ushindi kwa mara ya pili katika mechi zake za viporo vya ligi kuu bara baada ya leo jioni kulazimishwa sare ya 2-2 na Ndanda nyumbani Chamazi Complex.
Azam ndiyo ilikuwa ya kwanza kuliona lango la Ndanda kupitia kwa winga Ramadhan Singano "Messi" aliyefunga dakika ya 16.Dakika ya 42 Didier Kavumbagu aliiongezea Azam bao la pili.
Kipindi cha pili Ndanda ilizinduka na kuibana vilivyo Azam na kufanikiwa kupata bao la Kwanza dakika ya 52 kupitia kwa Atupele Green aliyefunga Kwa mkwaju wa penati.
Mkwaju huo ulitolewa baada ya kipa Aishi
Manula kuchezea rafu Paul Ngalema.
Dakika ya 87 Ndanda ilipata bao la pili kupitia kwa Ahmed Msumi.
Matokeo hayo yanaifanya Azam FC ijiongezee pointi moja na kufikisha 52 baada ya kucheza mechi 23,wakiwa nafasi ya tatu nyuma ya mabingwa watetezi, Yanga wenye
pointi 53 za mechi 22, wakati Simba SC inaongoza kwa pointi zake 57 za mechi 24.
Mchezo mwingine wa Ligi Kuu leo,wenyeji Majimaji
wameifunga 2-0 Coastal Union.
0 comments:
Post a Comment