KARIM BENZEMA ATUPIWA VIRAGO UFARANSA SASA KUISHUHUDIA EURO AKIWA KAMA SHABIKI

Paris,Ufaransa.

Mshambuliaji Karim Benzema ameondolewa moja kwa moja katika kikosi cha Ufaransa kitakachokuwa mwenyeji wa michuano ya kombe la mataifa ya Ulaya (Euro 2016) baadae mwezi Juni mwaka huu.

Hatua hiyo ya kumuondoa Benzema kikosini imefikiwa jana jumatato baada ya kikao cha masaa kadhaa kilichowahusisha Rais wa Federation Francaise de Football (FFF) Noel Le Graet na kocha wa Ufaransa Didier Deschamps kufuatia mshambuliaji huyo wa Real Madrid kuwa na kesi polisi.

Mwezi Desemba mwaka jana mshambuliaji huyo wa zamani wa Olympique Lyonnaise alisimamishwa kuichezea Ufaransa kwa madai kwamba alihusika katika njama ya kutishia na kudai pesa kutoka kwa mchezaji mwenzake wa Ufaransa Mathieu Valbuena anayetajwa kuwemo kwenye kanda chafu ya ngono.

Kuondolewa kikosini kwa Benzema kunaiacha Ufaransa ikiwategemea Olivier Giroud,Antoine Griezmann,Antony Martial na Andre Pierre Gignac kuongoza mashambulizi.

Thursday, April 14, 2016