Ligi kuu Zanzibar kesho ni Taifa Jang'ombe dhidi ya Chwaka Stars,mchezo wa kisasi

Lameck Francis 

Unguja,Zanzibar

Timu ya Taifa Jang'ombe maarufu kama Wakombozi wa ng'ambo itacheza na Chwaka Stars mchezo wa ligi kuu kesho katika uwanja wa amani kisiwani Unguja majira ya saa 1:00 usiku huku Taifa ikiwa na kumbukumbu ya kupoteza mchezo wa raundi ya kwanza dhidi ya chwaka stars.

Taifa Jang'ombe ndio timu yenye mashabiki wengi kisiwani Unguja hii ni kutokana na kuwa na upinzani na Jang'ombe Boys ambao wote hutokea katika mtaa mmoja wa Jang'ombe na kusababisha timu hizo kuwa na ushindani mkubwa kwa kuhudhuriwa na washabiki wengi pindi zinapokua zinacheza

Chwaka Stars wao wanatokea nje kidogo ya mji lakini wamekuwa wakiwapa shida sana timu zilizopo mjini kwa kucheza kwa kujiamini na kupata matokeo dhidi yao.

Ligi kuu ya Zanzibar inachezwa kanda mbili tofauti ambazo ni Unguja na Pemba hii ni kutokana na ligi hiyo kukosa udhamini ambapo hushirikisha jumla ya timu 36 ambapo ni 18 kila upande

Sehemu ya viambatisho

Wednesday, March 08, 2017