Ligi kuu Zanzibar na vituko vyake:Mchezaji afanyiwa sub,aondoka uwanjani,apigwa faini kali

Lameck Francis.

(Unguja,Zanzibar) 

Timu ya soka ya Malindi ya hapa visiwani imempiga faini ya shilingi laki moja (100,000) taslimu mchezaji wake Mussa Mohamed Mrisho kama adhabu ya kuondoka bila ruhusa kwenye mchezo wao wa ligi kuu ya soka ya Zanzibar uliochezwa jana saa 10 jioni katika uwanja wa Amaan.

Mchezaji huyo alifanyiwa mabadiliko (Sub) na Kocha wake, Saleh Machupa kwa kumuingiza dimbani Mohammed Nyasa lakini kitendo hicho kilionekana kumkera mchezaji huyo.

Mara baada ya kutoka kiwanjani Mrisho aliamua kuchukua mizigo yake yote na kuondoka licha ya kwamba timu yake ilikuwa bado inaendelea na mchezo huo.

Kufuatia tukio hilo uongozi wa Malindi umetoa adhabu kali ya faini ya shilingi laki moja (100,00) kwenda kwa mchezaji huyo ili iwe fundisho kwake na kwa wengine wenye tabia kama hizo.

Friday, March 10, 2017