RONALDO APIGA HAT TRIK NA KUIPELEKA REAL MADRID NUSU FAINALI LIGI YA MABINGWA ULAYA

Madrid,Hispania.

Cristiano Ronaldo amefunga mabao matatu (hat trik) na kuipeleka Real Madrid mpaka nusu fainali ya michuano ya ligi ya mabingwa Ulaya baada ya kuilaza VFL Wolfsburg kwa mabao 3-0 huko Santiago Bernabeu.

Ronaldo alianza kuifungia Real Madrid bao la kwanza dakika ya15 baada ya kupokea pasi ya mlinzi Dani Carvajal,bao la pili dakika ya 17 kwa pasi ya Toni Kroos kisha la tatu dakika ya 77 kwa mkwaju wa faulo ya umbali wa mita 25.

Katika mchezo wa awali Real Madrid ilitota kwa kichapo cha mabao 2-0 huko Volkswagen Arena,Ujerumani.

Kutokana na ushindi huo Real Madrid imetinga nusu fainali ya ligi ya mabingwa Ulaya kwa tofauti ya bao moja,baada ya matokeo ya jumla kuwa 3-2.

Wednesday, April 13, 2016