Torino,Italia.
Jamaa king'ang'anizi aisee!!Kama unadhani Mlinzi wa kushoto wa Juventus Mfaransa Patrice Evra anafikiria kuachana na soka hivi karibuni basi sikia hii!!
Akifanya mahojiano hivi karibuni na mtandao wa L’Equipe,Evra,34 amesema hana mpango wa kutundika daruga zake leo ama kesho.
"Nataka kuendelea kucheza mpira mpaka hapo mwili utakaposema basi.Role models/Mashujaa wangu ni (Javier) Zanetti, (Ryan) Giggs na (Paolo) Maldini.Hawa wote walistaafu walipofikisha umri wa miaka 40.Sasa subiri nifike umri huo ndiyo uniulize nitastaafu lini."
Wakati huohuo mlinzi huyo wa zamani wa Monaco na Manchester United ametupilia mbali uvumi ulioenea kuwa atastaafu kuichezea Ufaransa pindi michuano ya Euro 2016 itakapokuwa imefikia tamati hapo Julai 10.
"Hakuna kitu kama hicho.Bado nataka kuichezea Ufaransa.Nitaacha kuichezea Ufaransa pale tu makocha watakaposema hawana tena haja na mimi".
Evra ameichezea Ufaransa jumla ya michezo 71huku akifanikiwa kuwa nahodha katika fainali mbili za kombe la dunia zile za mwaka 2010 Afrika Kusini na 2014 Brazil.
0 comments:
Post a Comment