Paris,Ufaransa.
Kinda wa Arsenal Mnigeria Alex Iwobi ameendelea kuwa na mwanzo mzuri katika safari yake ya kucheza soka la ushindani baada ya gazeti la michezo la Ufaransa la France Football magazine kumuweka katika orodha ya wachezaji watano wa Kiafrika waliofanya vizuri katika ligi za Ulaya wikendi iliyopita.
Jumamosi iliyopita Iwobi,19 alitoa pasi mbili za mabao katika mchezo ambao Arsenal ililazimishwa sare ya mabao 3-3 na Westham United huko Upton Park.
Nyota wengine wa Afrika walioingia katika orodha hiyo ni Mohamed Salah (Misri),Cedric Bakambu (DR Congo),Salomon Kalou (Cote d’Ivoire) na Hicham Belkaroui (Algeria).
Jana jumatatu Salah aliifungia Roma bao la kusawazisha dhidi ya Bologna, Bakambu ‘Bakambut’ amekuwa na wiki nzuri baada ya kuifungia Villarreal katika michezo ya Europa Ligi na La Liga huku Kalou akifungia Hertha Berlin bao lake la 14 katika mchezo wa ligi ya Bundesliga dhidi ya Hannover.
0 comments:
Post a Comment