LECEISTER CITY YAZIDI KUFANYA MIUJIZA ENGLAND,YAICHAPA SUNDERLAND 2-0 UGENINI.

Sunderland, Uingereza.

HAWAKAMATIKI!!Leceister City imeendelea kuukaribia ubingwa wake wa kwanza wa ligi kuu England baada ya leo mchana kuichapa Sunderland mabao 2-0 katika mchezo mkali na wa kuvutia uliopigwa huko Stadium of Light.

Mabao yaliyopeleka furaha kwa Leceister City yamefungwa na mshambuliaji wake mahiri Jamie Vardy.Vardy alifunga bao la kwanza dakika ya 66 baada ya kuiwahi pasi ndefu ya kiungo Daniel Drinkwater.

Dakika ya 95 pasi ya Demarai Gray ilimfikia Vardy na kuifungia Leceister City bao la pili baada ya kuwazidi mbio walinzi wa Sunderland na kumlamba chenga mlinda mlango Vito Manone.Hilo likiwa ni bao lake la 21 msimu huu.

Kufuatia ushindi huo Leceister City imeendelea kukaa kileleni ikifikisha pointi 72 na kuviacha mbali vilabu vya Tottenham na Arsenal.

Sunday, April 10, 2016