AZAM FC YAICHAPA ESPERANCE 2-1 SHIRIKISHO

Dar es salaam,Tanzania.

Azam FC ikiwa nyumbani Chamazi Complex imeichapa Esperance de Tunisia

2-1 katika mchezo wa kwanza wa hatua ya 16 bora ya kombe la shirikisho barani Afrika.

Wageni Esperance ndiyo walikuwa wa kwanza kuliona lango la wenyeji Azam FC  kwa bao la dakika ya 34 la Haythem Jouini.

Kuingia kwa bao hilo kuliiamsha Azam FC ambayo ilikuja juu na kupata bao la kusawazisha dakika ya 68 kupitia kwa Farid Mussa na kupata la ushindi dakika ya 70 kupitia kwa Ramadhan Singano.

Timu hizo zitarudiana tena jumanne Aprili 19 huko El Menzah,Tunisia.

Sunday, April 10, 2016