FA YAFUTA KADI NYEKUNDI YA CHEIKHOU KOUYATE SASA RUKSA KUIVAA ARSENAL WIKENDI HII

London,England.

Chama cha soka England FA kimetengua adhabu ya kadi nyekundu aliyopewa kiungo wa Westham United Cheikhou Kouyate katika mchezo wa ligi kuu dhidi ya Crystal Palace jumamosi iliyopita.

Taarifa kutoka FA zinasema maamuzi hayo yamefikiwa baada ya kamati ya nidhamu kubainika kuwa kuna makosa yalifanyika wakati wa kumuadhibu Kouyate.

Kouyate,26 alilimwa kadi nyekundu ya moja kwa moja dakika ya 67 na mwamuzi Mark Clattenburg baada ya kumchezea rafu mbaya Dwight Gayle wa Crystal Palace jumamosi iliyopita.

Kama adhabu hiyo isingefutwa hii ina maana kuwa Kouyate angeukosa mchezo wa wikendi hii dhidi ya Arsenal,mchezo wa FA dhidi ya Man United na mchezo wa ligi dhidi ya Leicester City .

Wednesday, April 06, 2016