Barcelona,Hispania.
Barcelona imepoteza mchezo wa pili mfululizo wa ligi ya La Liga baada ya jana usiku kukubali kichapo cha bao 1-0 toka kwa Real Sociedad huko Estadio Anoeta.
Barcelona ambayo ilikuwa bila ya nyota wake wanne Andres Iniesta, Ivan Rakitic,Jordi Alba na Luis Suarez anayetumikia adhabu ya kukosa mchezo mmoja iliruhusu bao dakika ya 5 tu ya mchezo baada ya Mikel Oyarzabal kuifungia Real Sociedad kwa kichwa akiunganisha krosi ya Xabi
Prieto.
Kichapo hicho ni cha tano kwa Barcelona katika jumla ya michezo sita waliyocheza katika dimba la Estadio Anoeta.
Kufuatia matokeo hayo Barcelona imebaki kileleni na pointi zake 76 baada ya kushuka dimbani mara 32,Atletico Madrid wako nafasi ya pili na pointi zao 73 nafasi ya tatu inakaliwa na Real Madrid yenye pointi 72.
Matokeo mengine Atletico Madrid imetoka nyuma na kuifumua Espanyol kwa jumla ya mabao 3-1 kwa mabao ya Fernando Torres, Antoine Griezmann na Koke.
Cristiano Ronaldo ameifingia Real Madrid katika ushindi wa mabao 4-0 dhidi ya Eibar.
0 comments:
Post a Comment