Man United yaipisha Arsenal nafasi ya sita na kuweka rekodi England

Manchester,England.

Manchester United leo imefanya mambo makubwa matatu.Kwanza imeichapa Middlesbrough mabao 3-1 ugenini huko Riverside.

Pili imeipisha Arsenal katika nafasi ya sita baada ya kufikisha pointi 52.Shukrani kwa mabao ya dakika za 30,62 na 90 yaliyofungwa na Marouane Fellaini,Jesse Lingard na mlinzi Antonio Valencia huku wenyeji Middlesbrough wao wakipata bao lao pekee katika dakika ya 77 na Rudy Gestede.

Tatu imeweka rekodi ya kuwa timu ya kwanza kushinda michezo 600 ya ligi kuu England.

Sunday, March 19, 2017