Munich,Ujerumani.
HIVI unajua kuwa kama siyo pozi na maringo ya kocha Mhispania Pep Guardiola,kiungo fundi wa mpira Mjerumani- Mturuki,Mesut Özil angetua Barcelona badala ya Real Madrid.
Ishu iko hivi!!Kupitia taarifa yake inayoendelea kuchapishwa na gazeti la Ujerumani la Bild,Özil,27,anayekipiga Arsenal kwa sasa amefichua kuwa mwaka 2010 alikuwa karibu kabisa kutua Barcelona lakini pozi na maringo aliyoonyeshwa na kocha wa wakati huo,Pep Guardiola vilimfanya abadili mawazo.
Özil akiwa na Wakala wake walitua jijini Barcelona kwa lengo moja tu la kufanya mazungumzo na mabosi wa Barcelona pamoja na kocha Pep Guardiola kisha waende Madrid lakini cha kushangaza Guardiola hakuonekana,hakupiga simu wala kutuma meseji akaiwa amekwenda mapumzikoni.Özil akavunjika moyo.
“Guardiola hakutokea kuongea na mimi.Hakunipigia simu baada ya kusikia nimefika,wala hakutuma meseji.Hakutoa ishara yoyote kuwa alitaka nisaini Barcelona.
Kwa mujibu wa Bild, kiu ya Özil kuhamia Barcelona ikawa imeishia hapo na badala yake akajiunga na Real Madrid baada ya kocha wake wa wakati huo, Jose Mourinho,kuonyesha nia ya dhati kuitaka huduma yake.Alijiunga na Real Madrid kwa ada ya Euro Milioni 15 akitokea Werder Bremen.
0 comments:
Post a Comment