Bournemouth pungufu yaibania Man United nyumbani Old Trafford

Manchester, England.

MANCHESTER UNITED imeshindwa kutamba nyumbani baada ya jioni hii kulazimishwa sare ya bao 1-1 na Bournemouth katika mchezo mkali wa ligi kuu England uliochezwa kwenye uwanja wa Old Trafford jijini Manchester.

Manchester United ndio waliokuwa wa kwanza kupata bao baada ya beki wake wa kushoto,Marcos Rojo kufunga katika dakika ya 23 akiunganisha krosi safi ya Antonio Valencia.

Dakika ya 40 Bournemouth walipata bao la kusawazisha baada ya Joshua King kufunga kwa mkwaju wa penati uliopatikana baada ya Phil Jones kumfanyia madhambi Marc Pugh.

Aidha katika mchezo huo Bournemouth ililazimika kumaliza ikiwa pungufu baada ya beki wake Andrew Surman kutolewa nje kwa kadi nyekundu huku Zlatan Ibrahimovic akiikosesha bao Manchester United baada ya kukosa mkwaju wa penati uliopanguliwa na kipa,Arthur Boruc.

Saturday, March 04, 2017