London,England.
Kocha wa zamani wa Tottenham Harry Redknapp ameipa ujanja Arsenal ambao ikiwa itaufuata basi itapata matokeo mazuri katika mchezo wake wa jumamosi mchana dhidi ya Westham United utakaopigwa huko Boleyn Ground.
Redknapp kupitia Makala aliyoiandika katika gazeti la The London Evening Standard ameiasa Arsenal kuwa makini sana katika mchezo huo hasa katika kujilinda na kuitaka iepuke kufanya faulo za kipuuzi karibu na lango lake.
Amesema "Kila mtu anafahamu kuwa Arsenal ni dhaifu katika kucheza mipira ya kutengwa (Set pieces).Hivyo hawapaswi kufanya faulo za kipuuzi karibu na lango lao Wanapaswa kukumbuka kuwa Westham United wana Dimitri Payet ambaye ni hodari sana katika kupiga mipira ya adhabu.
Walinzi na viungo wanapaswa kuwa makini nae muda wote wa mchezo huku wakizuia nyendo zake ili asiweze kutengeneza mabao vinginevyo atazima rasmi mbio zao za ubingwa wa ligi kuu".
Onyo hilo la Redknapp limekuja siku chache baada ya Payet kuifungia Ufaransa bao kali la faulo katika mchezo wa kirafiki wa kimataifa dhidi ya Urusi wiki mbili zilizopita.
Mpaka sasa Payet ameifungia Westham United mabao tisa huku akitengeneza nafasi 88 za kufunga katika michezo 24 ya ligi kuu England.
0 comments:
Post a Comment