ARSENAL CHUPUCHUPU KWA WESTHAM

London,England.

Bao la dakika ya 70 la mlinzi Laurent Koscienly limeiwezesha Arsenal kutoka sare ya mabao 3-3 Westham United katika mchezo wa mapema wa ligi kuu England uliopigwa katika dimba la Boleny Ground.

Arsenal ndiyo walikuwa wa kwanza kubisha hodi langoni mwa Westham United dakika ya 18 baada ya Mesut Ozil kufunga bao zuri akimalizia pasi ya kinda Alex Iwobi.

Dakika ya 35 Alexis Sanchez aliifungia Arsenal bao la pili baada ya kazi nzuri ya Alex Iwobi

Kuingia kwa mabao hayo kuliiamsha usingizini Westham United ambayo ilikuja juu na kusawazisha mabao yote dakika za 44 na 45+2 kupitia kwa Andy Carroll.

Kipindi cha pili Andy Carroll aliifungia Westham United bao la tatu kwa kichwa dakika ya 51 akiunganisha krosi ya Michail Antonio.

Dakika ya 70 nahodha Laurent Koscienly aliifungia Arsenal bao la tatu baada ya walinzi wa Westham United kushindwa kuokoa krosi ya Hector Bellerin.

Saturday, April 09, 2016