Eden Hazard.
Msabala Bernard.
London,England.
NYOTA mahiri wa klabu ya Chelsea na timu ya taifa ya Ubelgiji,Eden Hazard amedokeza kuwa huenda akalazimika kununua nyumba kubwa zaidi mahususi kwa kuhifadhia tuzo zake zote ambazo amekuwa akitunukiwa.
Hazard ambaye amekuwa na msimu mzuri akiwa na klabu yake ya Chelsea ameongeza tuzo nyingine baada ya goli lake alilowanyanyasa Arsenal mapema mwezi ulopita kuchaguliwa kuwa goli bora kwa ligi kuu ya Uingereza kwa mwezi Februari.
Akihojiwa baada ya Tuzo hiyo Hazard alitania kwa kusema hajui wapi ataiweka tuzo hiyo. Aidha ameongeza kwa kudai amekuwa akilazimika kugawa baadhi ya tuzo zake huku nyingine akiziweka kwenye gereji yake.
Akizungumza na televishen ya klabu ya Chelsea (Chelsea TV) Hazard amesema “Nitazifanyia nini zote hizi, kusema ukweli sijui, wakati mwingine nalazimika kuzigawa kwa watu wanaozihitaji”
“Nimewahi kumpa tuzo mojawapo baba yangu kule Ubelgiji, nyingine kadhaa nimeziweka gereji, nadhani nahitaji kubadili nyumba yangu, niwe na nyumba kubwa ". Hazard pia alieleza kuwa “ni vizuri kupata tuzo hasa unapokuwa unashinda mechi”.
Hii ni mara ya pili kwa mchezaji toka klabu ya Chelsea kutwaa tuzo hiyo, awali goli alilofunga Pedro dhidi ya Tottenham lilishimda kama goli bora la mwezi Novemba”
Katika goli hili hazard aliambaa na mpira toka nusu ya uwanja wa upande waliokuwa Chelsea akawavuruga walinzi wa Arsenal kabla hajamtungua mlinda lango Petr Cech Chelsea ikiibuka wababe wa goli 3-1 darajani. Hazard pia aliueleza mtandao wa ligi kuu “ni moja ya magoli mazuri nilowahi kufunga”
0 comments:
Post a Comment