Arsenal,Bayern,Napoli matatani Uefa

Munich,Ujerumani.

Vilabu vya Arsenal na Bayern Munich zimeshitakiwa na shirikisho la soka Ulaya (UEFA) kufuatia vitendo vya utovu wa nidhamu vilivyoonyeshwa na mashabiki wao kwenye mchezo wao wa juzi Jumanne wa hatua ya 16 bora ya michuano ya michuano ya klabu bingwa Ulaya uliochezwa kwenye uwanja wa Emirates jiijni London.

Bayern Munich imeingia hatiani baada ya mashabiki wake kutupa vitu mbalimbali uwanjani ikiwemo vipande vya karatasi hali iliyofanya mchezo uchelewe kwa dakika kadhaa.Mashabiki hao walikuwa wakipinga tozo kubwa la viingilio kwenye mchezo huo.Pia mashabiki hao walionekana wakiwa na bango lililosomeka "Bila ya mashabiki mchezo wa soka ni bure kabisa"

Arsenal wao wameingia hatiani baada ya mmoja wa mashabiki wao kuvamia uwanjani katika sehemu ya kuchezea katika mchezo huo ulioisha kwa wenyeji Arsenal kulala kwa mabao 5-1.

UEFA pia imeitia hatiani Napoli kwa makosa manne baada ya mashabiki wake kufanya fujo katika mchezo wake wa jana Jumanne ambao miamba hiyo ya Italia ilichapwa mabao 3-1 na Real Madrid huko Stadio San Paolo na kutupwa nje kwa jumla ya mabao 6-2.Katika mchezo wa awali uliochezwa Hispania,Napoli ililala kwa mabao 3-1.

Baadhi ya makosa ambayo yameitia hatiani Napoli ni pamoja na kutupa vitu mbalimbali uwanjani,uwashaji wa baruti,matumizi ya laser pointer na kuziba ngazi za uwanjani.Mashtaka yote yatasikilizwa Machi 23 mwaka huu.

Thursday, March 09, 2017