London, England.
Kichapo cha mabao 2-0 ilichokipata Real Madrid jana toka kwa Wolfsburg katika mchezo wa kwanza wa robo fainali ya klabu bingwa barani Ulaya kimeibua hasira kali toka kwa nyota wake wa zamani Muingereza Steve McManaman.
McManaman ambaye kwa sasa ni mchambuzi wa soka katika kituo cha televisheni cha BT Sport ameiponda safu ya ulinzi kwa kufanya makosa ya kizembe yaliyopelekea timu hiyo kupoteza mchezo huo muhimu kwa mabao ya Ricardo Rodriguez na Maximilan Arnold.
Amesema "Inashangaza kuona walinzi waliocheza vizuri jumamosi dhidi ya Barcelona leo (jana) wanacheza kama watoto wa shule tena wa kikosi cha U10".
Walinzi wa pembeni Danilo na Marcelo walikuwa kila pande za uwanja huku Sergio Ramos na Pepe walikuwa wanacheza kana kwamba ndiyo mara yao ya kwanza kucheza pamoja.
Wakati huohuo McManaman amemtetea kocha wa kikosi hicho Mfaransa Zinedine Zidane na kusisitiza lawama zote ziende kwa wachezaji kwa kushindwa Kufuata maelekezo waliyopewa.
0 comments:
Post a Comment