Barcelona,Hispania.
LIONEL Messi (Pichani) amefunga mabao mawili na kuasisti mengine mawili katika ushindi wa Barcelona wa mabao 5-0 dhidi ya Celta Vigo kwenye mchezo safi wa La Liga uliochezwa Jumamosi usiku huko Camp Nou,Barcelona.
Messi alianza kuipatia Barcelona bao la kuongoza katika dakika ya 24 baada ya kukimbia kwa umbali mrefu na kisha kuwahadaa walinzi wa Celta Vigo. Bao la pili la Barcelona limefungwa na Neymar Jr katika dakika ya 40 baada ya kupokea pasi safi kutoka kwa Lionel Messi.
Mabao mengine ya Barcelona yamefungwa na kiungo,Ivan Rakitic pamoja na mlinzi Samuel Umtiti aliyekuwa anafunga bao lake la kwanza tangu ajiunge na miamba hiyo mwezi Agosti mwaka jana akitokea Olympique Lyon ya Ufaransa.
Ushindi huo ambao ni wa nne mfululizo kwa Barcelona kwa siku za hivi karibuni umeifanya miamba hiyo ifikishe pointi 60 na kuendelea kuongoza msimamo wa ligi ya La Liga.Pointi moja juu ya Real Madrid ambao katika mchezo wa mapema waliibanjua Eibar kwa mabao 4-1.
0 comments:
Post a Comment