London, England.
ARSENAL imeripotiwa kuwa itamvimbia/itamzuia staa wake kutoka Chile,Alexis Sanchez kujiunga na timu nyingine ya ligi kuu England endapo ataamua kuhama Emirates mwishoni mwa msimu huu.
Gazeti la Daily Mail limeripoti kuwa maafisa wa Arsenal wanapanga kumwambia Sanchez,28, kuwa atauzwa kwa timu kutoka nje ya England pekee na si vinginevyo.
Hii ina maana kwamba timu za Chelsea na Manchester City ambazo kwa nyakati tofauti zimekuwa zikihusishwa kumtaka Sanchez zihesabu maumivu huku timu za Paris Saint-Germain na Juventus ambazo zinatoka nje ya England zikiwekwa mkao wa kula kumtwaa mshindi huyo mara mbili wa kombe la Copa America.
Mpango huo wa Arsenal umekuja baada ya Sanchez kuweka ngumu kusaini mkataba mpya klabuni hapo huku ule wa sasa ukiwa umebakiza miezi 15 kufika mwisho.
0 comments:
Post a Comment