DROO YA NUSU FAINALI YA LIGI YA MABINGWA ULAYA YATOKA,UEFA YAZIPA UENYEJI MAN CITY NA REAL MADRID

Nyon,Uswisi.

Droo ya michezo ya nusu fainali ya ligi ya mabingwa wa Ulaya imefanyika leo mchana huko Nyon,Uswisi.

Katika droo hiyo Manchester City itaumana na Real Madrid huku Bayern Munich ikipimana ubavu na Atletico Madrid.

Mchezo wa mkondo wa kwanza wa nusu fainali utachezwa jumanne Aprili 26 huku ule wa pili ukiwa jumatano Aprili 27 na marudiano ni jumanne Mei 3 na Jumatano Mei 4.

Mchezo wa fainali utachezwa jumamosi ya Mei 28 katika uwanja wa San Siro ulioko Milan Italia.Uwanja huo ambao hutumika kama uwanja wa nyumbani wa vilabu vya AC Milan na Inter Milan una uwezo wa kuchukua watazamaji 80,000.

Wakati huohuo UEFA imesema timu mwenyeji wa mchezo wa fainali itatoka katika mchezo kati ya Manchester City na Real Madrid

Friday, April 15, 2016