Manchester, England.
Meneja wa Manchester United Mdachi Luis Van Gaal amewataka mashabiki wa klabu hiyo kumzomea yeye na siyo wachezaji.
Kauli hiyo ya Van Gaal ni majibu kwa mashabiki wa klabu hiyo ambao wanaitaka timu hiyo icheze mchezo wa kushambulia zaidi kuliko kujihami kama ifanyavyo sasa.
Van Gaal ameyasema hayo wakati akifanya mahojiano na kituo cha Sky kuelekea mchezo wa leo jumamosi wa ligi kuu dhidi ya West Brom utakaopigwa katika dimba la Old Trafford.
Amesema "Mashabiki wanapaswa kunizomea mimi na kuwaacha wachezaji wacheze mpira.Mimi kama kocha nimeshazoea kukutana na vitu kama hivyo".
"Unapowazomea wachezaji unawatia woga na kuwafanya washindwe kutimiza majukumu yao vizuri hivyo ningeomba nizomewe mimi badala yao"
Van Gaal ameongeza kuwa mazingira Old Trafford huenda yakawa yanaathiri uchezaji wa timu yake.
"Ni vigumu sana kuchezea Manchester United ukikabiliwa na presha sana na unaweza kuhisi hilo Old Trafford kwa sababu ya kelele za mashabiki, hili si jambo njema kwa wachezaji wangu,
Alimaliza Van Gaal ambaye mapema wiki alizomewa na mashabiki wa klabu hiyo baada ya kufanya mabadiliko ya kumtoa Antony Martial na kumuingiza Marouane Ferraini katika mchezo wa ligi ya mabingwa dhidi ya CSKA Moscow.
0 comments:
Post a Comment