London,England.
Meneja Arsene Wenger amekiri kuwa alishindwa kuamua alie ama acheke baada ya kufahamu kuwa mshambuliaji mahiri wa Tottenham Harry Kane aliwahi kuwa katika kikosi cha vijana cha Arsenal na kisha kutemwa.
Wenger ameyasema hayo wakati akikiandaa kikosi chake tayari kuivaa Tottenham hapo siku ya jumapili katika mchezo wa ligi kuu England utakaopigwa katika dimba la Emirates.
Wenger amesisitiza kuwa habari ya Kane kuwahi kuchezea Arsenal aliisoma tu gazetini tena hii ikiwa ni msimu mmoja uliopita na kuongeza kuwa kabla ya hapo hakujua chochote kuhusu jambo hilo.
Amesema "Sikufahamu hilo,nilisoma kwenye gazeti.Kuna wakati magazeti huwa na taarifa nzuri.Nilichukia kidogo.Niliona ni ajabu,nikahoji Harry Kane aliondokaje?Lakini katika umri wa miaka 8 wachezaji huwa wanahama hama kuwafuata wazazi wao ambao huangaika kutafuta maisha".
Kane alijiunga na Arsenal mwaka 2000 akitokea Ridgeway Rovers kabla ya kutemwa msimu mmoja baadae yaani mwaka 2001 na kutimkia katika shule ya soka ya Watford kisha mwaka 2004 akajiunga na Tottenham akiwa na miaka 11
Msimu uliopita Kane aliifungia Tottenham mabao 30 katika michezo 45 huku sehemu ya magoli hayo akiyafunga katika mchezo dhidi ya Arsenal.
0 comments:
Post a Comment