LIGI YA MABINGWA AFRIKA:ZAMALEK YAVUNA USHINDI NYUMBANI KWA ENYIMBA

Port Harcourt,Nigeria.

ZAMALEK ikiwa ugenini nchini Nigeria imeibuka na ushindi wa bao 1-0 dhidi ya wenyeji wao Enyimba katika mchezo mkali wa Kundi A wa kombe la klabu bingwa Afrika uliochezwa jioni ya leo katika uwanja wa Adokiye Amiesimaka Stadium ulioko Port Harcourt,Nigeria.

Bao pekee la mchezo huo limefungwa kwa kichwa dakika ya 8 na mshambuliaji hatari Bassem Morsy.

Katika mchezo mwingine wa Kundi A uliochezwa jana Jumamosi Mamelodi Sundowns ya Afrika Kusini ikiwa ugenini Algeria iliichapa ES Setif kwa mabao 2-0 ya Tiyiani Mabunda na Khama Billiat.

Sunday, June 19, 2016