ULIMWENGU:HUYU CHIRWA BADO SANA ILA MAHADHI SAFI

Dar es Salaam,Tanzania.

MSHAMBULIAJI Mtanzania anayecheza katika klabu ya TP Mazembe ya Jamhuri ya Kidemokrasia ya Congo (DRC), Thomas Ulimwengu, amesema kiwango kilichoonyeshwa na Mzambia, Obrey Chirwa wa Yanga ni cha kawaida sana.

Chirwa amesajiliwa Yanga katika kipindi cha dirisha dogo la usajili katika michuano ya Shirikisho la Soka Afrika (CAF) akitokea Platnum ya Zimbabwe.

Mchezaji huyo alikuwa katika kikosi cha Yanga kilichocheza juzi na TP Mazembe kwenye Uwanja wa Taifa jijini Dar es Salaam ambao walifungwa bao 1-0.

Akimzungumzia Chirwa, Ulimwengu alisema kiwango kilichoonyesha na mchezaji huyo ni cha kawaida na anatakiwa kupewa muda ili aweze kuonyesha uwezo wake.

Ulimwengu alisema Chirwa anahitaji muda kwani anaonekana hajawa fiti kucheza soka la Tanzania.

“Chirwa anaonekana mgeni, halijui soka la Tanzania wala viwanja vyake tofauti na Mahadhi ambaye Uwanja wa Taifa si mara ya kwanza kucheza,” alisema Ulimwengu.

Ulimwengu alisema mchezaji huyo si mbaya, lakini anaonekana bado mgeni kutokana na mazingira ila akiendelea kucheza anaweza kuwa tishio.

CHANZO:BINGWA