REKODI YA CRISTIANO RONALDO ILIYODUMU KWA MIAKA 12 YAVUNJWA

Porto,Ureno.

HAKUNA marefu yasiyo na ncha!!Kwa sasa nyota mpya wa Bayern Munich Renato Sanches ndiye mchezaji mdogo zaidi kuwahi kujumuishwa katika kikosi cha wakubwa cha Ureno na siyo Cristiano Ronaldo tena.

Sanches ameivunja rekodi hiyo Jana Jumatano baada ya kujumuishwa na Kocha Fernando Santos katika kikosi cha Ureno kitakachosafiri kwenda nchini Ufaransa kuwania ubingwa wa Ulaya maarufu kama Euro 2016.

Sanches amejumuishwa katika kikosi hicho akiwa na umri wa miaka 18 na miezi kumi na kuvunja rekodi ya Cristiano Ronaldo aliyoiweka mwaka 2004 pale alipojumuishwa katika kikosi cha wakubwa cha Ureno kilichoshiriki michuano ya Euro akiwa kinda wa miaka 19 na miezi minne pekee.

Thursday, May 19, 2016