USIYEMPENDA KAJA:YANGA SC USO KWA USO NA WAARABU MAKUNDI SHIRIKISHO

Cairo,Misri.

KUNA kila dalili kuwa Yanga SC itapangwa kundi moja na timu toka nchi za Kiarabu hii ni baada ya timu tano toka ukanda huo kufuzu hatua ya makundi.

Timu hizo ni FUS Rabat,Kawkab Marrakech (Morocco),Etoil du Sahel (Tunisia), Ahli Tripoli (Libya) na MO Bejaij (Algeria)

Timu nyingine zilizofuzu hatua ya makundi ni Medeama SC ya Ghana na TP Mazembe ya Jamhuri ya

Kidemkrasia ya Kongo (DRC).

Kwa maana hiyo Yanga SC haina namna yoyote ile ya kukwepa kukutana na timu mbili ama tatu toka nchi za Kiarabu na timu moja kati ya Medeama SC ama TP Mazembe.

Kwa kufuzu hatua ya Makundi tayari Yanga SC imeshajihakikishia kuweka kibindoni kitita cha Dola 150,000 za Kimarekani.Hivyo haina budi kufanya usajili wa nguvu utakayoifanya isitishe uteja kwa timu za Kiarabu.

Mapema mwezi uliopita Yanga SC ilitupwa nje ya michuano ya Klabu Bingwa Afrika na Al Ahly ya Misri baada ya kufungwa kwa jumla ya mabao 3-2.

ZAWADI!!

Bingwa wa Kombe la Shirikisho atapata zawadi ya Dola 625,000 pamoja na Kikombe,Mshindi wa pili Dola 432,000.Washindi wa pili na wa tatu wa hatua ya makundi watapata Dola 239,000 Kila mmoja.Timu itakayoshika nafasi ya nne itapata Dola 150,000.

Droo ya upangaji wa makundi itafanyika Mei 24 huko Cairo,Misri ambapo timu nane zilizofuzu zitapangwa katika makundi mawili ya timu nne nne.Timu mbili za juu toka kila kundi zitafuzu kwenda hatua ya nusu fainali.

Thursday, May 19, 2016