MANCHESTER UNITED MABINGWA WAPYA EMIRATES FA CUP,SMALLING AINGIA KWENYE REKODI

London,England.

Bao la dakika ya 110 la Kinda Jesse Lingard limeipa Manchester United ubingwa wa 12 wa Kombe la FA na kuwa sawa na Arsenal baada ya jioni kuilaza Crystal Palace kwa mabao 2-1 katika mchezo mkali wa fainali uliopigwa katika dimba la Wembley jijini London.

Crystal Palace ndiyo walikuwa wa kwanza kupata bao la kuongoza dakika ya 78 ya kipindi cha pili kupitia kwa mshambuliaji wake Jason Puncheon.Puncheon alifunga bao hilo hilo akimalizia pasi nzuri ya mlinzi wa kulia Joel Ward.Hata hivyo bao hilo halikudumu sana kwani dakika tatu baadae yaani dakika ya 81 Juan Mata aliifungia Manchester United bao la kusawazisha baada ya kupokea pasi ya kifua toka kwa Marouare Fellaini na kufanya matokeo kuwa 1-1hali iliyopelekea mwamuzi Mark Clattenburg kuongeza dakika 30 ili kumpata mshindi.

Manchester United's Marcus Rashford in action with Crystal Palace's Pape Souare

Dakika ya 105 Manchester United ilijikuata ikibaki pungufu baada ya mlinzi wake wa kati Chris Smalling kulimwa kadi nyekundu baada ya kumfanyia madhambi winga wa Crystal Palace Yannick Bolasie.Kadi hiyo nyekundu imemfanya Smalling awe mchezaji wane kuwahi kukumbana na adhabu kama hiyo katika mchezo wa fainali.Manchester United pia ilimpoteza Marcos Rashford aliyeumia.

Crystal Palace supporters perform the Poznan

Mabadiliko yaliyofanywa na Kocha Louis Van Gaal ya kumtoa Juan Mata na kumuingiza Jesse Lingard yalifanikiwa kuzaa matunda baada ya kinda huyo kufunga bao la ushindi dakika ya 110 na kuisha Manchester United ifunge msimu na kikombe hicho ambacho kwa misimu miwili mfululizo kilikuwa kikitwaliwa na Arsenal.Huo ni ubingwa wa kwanza wa FA kwa Manchester United tangu mwaka 2004.