Barcelona,Hispania.
Barcelona imeendelea kung'ang'ania kileleni mwa Ligi ya La Liga baada ya jioni ya leo kuichapa Espanyol kwa mabao 5-0 nyumbani Nou Camp.
Mabao yaliyoipa Barcelona ushindi huo mnene yamefungwa na Lionel Messi (8),Luis Suarez (53,61),Rafinha Alcantara (74) na Neymar Jr (84).
Katika mchezo mwingine uliopigwa huko Santiago Bernabea,Wenyeji Real Madrid wameichapa Valencia kwa jumla ya mabao 3-1.
Mabao ya Real Madrid yamefungwa na Cristiano Ronaldo ( 26,52) na Karim Benzema (48) huku lile la Andre Valencia likifungwa na Andre Gomez.
Huko Ciudad de Valencia,Wenyeji Levante wameichapa Atletico Madrid kwa mabao 2-1 na kuitoa rasmi katika mbio za ubingwa.Mabao ya Levante yamefungwa na Victor Cesadesus (30) na Giuseppe Rossi huku lile la Atletico Madrid likifungwa na Fernando Torres (2).
Kwa matokeo hayo yote Barcelona wamebaki kileleni wakifikisha pointi 88 nafasi ya pili imeshikwa na Real Madrid yenye pointi 87 huku Atletico Madrid wakishuka mpaka nafasi ya tatu baada ya kubaki na pointi zake 85.Timu zote zimeshuka dimbani mara 37.
0 comments:
Post a Comment