MICHEZO YA MARUDIANO YA KOMBE LA SHIRIKISHO AFRIKA KUPIGWA LEO,KESHO RATIBA NZIMA NA MATOKEO YA AWALI VYOTE VIPO HAPA

TUNIS,TUNISIA.

Michezo ya marudiano ya

mchujo wa kuwania kuingia hatua ya makundi ya Kombe la Shirikisho Barani Afrika inatarajiwa kuchezwa 

Leo Jumanne Mei 17 michezo miwili itachezwa:Katika mchezo wa kwanza utakaochezwa katika uwanja wa Stade Olympique de Gabes wenyeji Stade Gabesien ya Tunisia wataikaribisha TP Mazembe ya DRC.Katika mchezo wa kwanza TP Mazembe ilishinda bao 1-0 nyumbani Lubumbashi.

Katika mchezo wa pili utakaochezwa Tunisia pia;Katika uwanja wa 07 Nouvembre Rades wenyeji Esperance watavaana na MO Bejaia ya Algeria.Katika mchezo wa kwanza timu hizo zilitoka sare ya 0-0.

Kesho Jumatano Mei 18 michuano hiyo itaendelea tena kwa nyasi za viwanja sita kuwaka moto.

Huko Gabon katika uwanja wa Augustin wenyeji Monédan: C.F. Mounana watawakaribisha wageni ES Sahel kutoka Tunisia.Katika mchezo wa awali ES Sahel ilishinda kwa mbao 2-0.

Mchezo mwingine utapigwa huko Dundo,Angola katika uwanja wa Sagrada Esperança Stadium:Wenyeji Sagrada Esperanca wataikaribisha Young Africans ya Tanzania.Katika mchezo wa kwanza Young African ilishinda kwa mabao 2-0 jijini Dar es Salaam.

Huko Ghana katika uwanja wa Sekondi-Takoradi Stadium:Medeama watakuwa wenyeji wa Mamelodi Sundowns ya Afrika Kusini.Katika mchezo wa kwanza Mamelodi Sundowns walishinda mabao 3-1huko Pretoria.

Michezo mingine Misr Makkassa ya Misri itakuwa katika uwanja wake wa nyumbani wa Sportif Moulay al Hassan kupepetana na Ahli Tripoli ya Libya.Mchezo wa kwanza uliisha kwa sare ya 0-0.

Kawkab Marrakech ya Morocco itaana na El Merreikh ya Sudan.Katika mchezo wa kwanza El Merreikh ilishindwa kwa bao 1-0 huko Khartoum.

Mchezo wa mwisho FUS Rabat ya Morocco itakuwa mwenyeji wa Stade Malien ya Mali.Katika mchezo wa kwanza timu hizo zilitoka sare ya 0-0.

Tuesday, May 17, 2016