Shinyanga,Tanzania.
KOCHA Mkuu wa Mwadui ya Shinyanga, Jamhuri Kihwelo ’Julio’,amesema Simba haiwezi kwenda bila ya kuwa na kocha mwenye uzoefu wa soka la Tanzania.
Julio beki na Kocha Msaidizi wa zamani wa klabu hiyo, alisema kwa mazingira ya sasa ya klabu hiyo wataendelea kuteswa
na mahasimu wao Yanga kwani haina kocha mzawa anayeijua vizuri klabu hiyo.
Alisema Simba ni klabu anayoipenda na pamoja na yote waliyomfanyia yuko tayari kurudi kusaidia kuijenga upya kama watafikia makubaliano,
ingawa kwa sasa bado ni kocha wa Mwadui ya Shinyanga.
“Yanga hawajawahi kufanya kosa la kuiacha timu yao kwa makocha wa
kigeni bila ya kuwa na mzawa anayeifahamu vizuri soka ya Tanzania na klabu yao, angalia sasa wana Juma Mwambusi, lakini pia yupo Juma Pondamali.
Simba wana Mayanja (Jackon) tu,” alisema Julio. Alisema kuwa kama wataweza kumrudisha mmoja wao kati ya yeye au Abdallah Kibadeni ama Selemani Matola itasaidia kuirejesha timu hiyo kwenye kiwango chake.
Akiizungumzia Yanga, Julio alisema timu hiyo ilistahili kushinda taji la Ligi Kuu ya Soka ya Tanzania Bara,
kwani walijipanga vya kutosha na ina kikosi kilichokaa pamoja kwa muda mrefu.
0 comments:
Post a Comment