RONALDO:NITACHEZA KWANZA QATAR KISHA NDIYO NIENDE MAN CITY

Madrid,Hispania.

Staa wa soka duniani Cristiano Ronaldo amesema kamwe hatarajii kujiunga na Manchester City ambao ni wapinzani wa klabu yake ya zamani ya Manchester United na badala yake ataenda kucheza ligi ya Qatar kama atakuwa anahitaji pesa.

Akijibu swali aliloulizwa katika kipindi cha michezo cha BBC kama atakuwa tayari kujiunga na Manchester City ikiwa watampa pesa nzuri,Ronaldo,30 amesema ziko sehemu nyingine ambazo zinaweza kumpa pesa nyingi kuliko Manchester City na kuitaja Qatar kama moja ya sehemu hizo.

"Kama sababu ni pesa nitaenda Qatar kisha Manchester City" Alitania Ronaldo

Kauli hiyo ya Ronaldo imekuja baada ya kuenea uvumi kuwa nyota huyo huenda akaondoka Real Madrid hivi karibuni na kutua katika moja ya vilabu tajiri Ulaya ambavyo inadhaniwa kuwa ni Manchester City ama Paris Saint Germain.

Friday, November 06, 2015